AF222a: 6r

eyledükde bu ḥaqīr ve faqīre ḫayr duʿā ėdeler ki mūcib‑i raḥmet ve maġfiret ola // va‑llāh el‑müsteʿān yevmü l‑aḥad ʿAcemler yek‑şenbe dėrler bāzār günidür ve ʿīd‑i // Naṣārādur * dünyā günlerinüñ ibtidāsıdur * dünyāya maḫṣūṣdur beyt // rūz‑i yak‑šanba ast rūz‑i binā * īn ʿamal dar‑ḥadīs̱ maẕkūr ast * binā başlamaq // ve bāġ ve baqçe [!] dikmek mübārekdür * zīrā ḥaqq subḥānehū tebāreke ve taʿālā ḥażret nebātātı // ve arż ve semavāt [!] ve ṭaġ ve ṭaşı * bu‑gün ḫalq eyledi mübārek gündür * ve bu‑günde // bir şerīf sāʿat vardur * bu‑günüñ ibtidāsı şerīf ve mübārekdür * ammā bu‑gün kesilen // qaftan mübārek olmayub ṣāḥib miḥnet ve elemden ḫalāṣ olmıya ve bu‑gün terāş olan // kimse gelecek bāzāra degin ġuṣṣadan ḫalāṣ olmıya ve bu‑gün ʿArab cānibine sefere // memnūʿdur * ve bu gėce ana raḥmına düşen oġlan * el‑ʿıyāẕ bi‑llāhi quṭṭāʿ‑i ṭarīq ola * // ay yigirm[i] ṭoquz günde tamām olur ve Muḥarrem ayınuñ ġurresi bu‑gün olsa qış ḫoş ola // ve yaġmur çoq ola ve baʿżı yėmişlere ve ekinlere āfet ėrişe ve oġlancıqlar helāk // ola ve baʿżı yėrlerde ʿasel az ola ve qızluq ola ve Ḥorasān [!] ili emīnlik ve maġrib // vilāyetde ḫāricī ẓuhūr ėde ammā ġalebe sulṭān‑i islāmuñ ola ve bu‑gün ve penç‑şenbe // gėçesi [!] şemse müteʿallıqdur tezvīr ve sefer qılmaq ve ṣatu(a) bāzār ėtmek ve yeñi geymek // ve ata binmek ve pādişāhlar ve begler ḥużūrına varmaq eyüdür ve bu‑gün ve penc‑şenbe // gėcesi doġan oġlan ʿāmil ve kāmil olub sulṭānlar cānibinde manṣıb // bula ve bu‑gün ḫasta olan kimesne iki gün veyā yedi gün ve yāḫᵛuẕ ṭoquz gün // ḥasta [!] ola baʿdehu eyü ola ve bu‑günüñ ʿazīmeti budur ḥasta [!] olan kimesneye içüreler